إحنا مين؟.. حكاية "روستوبيا"
بدأت الحكاية في عام 2022، لما حسينا إن متعتنا بكوباية قهوة الصبح بتقل كل شوية! السوق كان مليان، لكن مفيش قهوة قدرت تجذب نظرنا، ومفيش فنجان طعمه ثابت حتى لو اشتريناه من نفس المكان. ومع انتشار الأفكار المغلوطة والقهوة المغشوشة، كعشاق حقيقيين للقهوة، رفضنا إننا نشرب حاجة تتفرض علينا أو نرضى بجودة أقل من اللي نستحقها.
من هنا جات الفكرة: ليه منعملش قهوتنا بنفسنا؟ لو صممناها على ذوقنا ومزاجنا أكيد هتبقى أحسن!
قررنا نبدأ نغير العالم بنفسنا، ونعمل "قهوة بجد". بالتعاون مع أشخاص عندهم خبرة أكتر من 20 سنة في عالم القهوة
وتوليفاتها، دخلنا في رحلة من التجارب المستمرة.
في البداية، كانت انطلاقتنا بالقهوة التركي فقط، لكن شغفنا ماوقفش هنا. واحدة واحدة، بدأنا نبتكر توليفاتنا الخاصة جداً للإسبريسو، أما خلطة "البندق والبيكان" الاستثنائية فكانت نتيجة 100% اجتهاد شخصي وتجارب طويلة، لحد ما استقرينا في النهاية على 3 "توليفات" علّموا معانا جداً وقريب في حاجات افضل جايه ان شاء الله.
توليفاتنا وافقوا شغفنا الشخصي، وحسينا إن دي القهوة اللي لازم ندوقها للناس.
في "روستوبيا"، إحنا فخورين جداً بهويتنا. قدرنا بمعاييرنا الصارمة وشغفنا وتوفيق ربنا أولا نعمل قهوة بتنافس أعلى مستويات الجودة العالمية، لكن بأيادي مصرية 100%.
وحبينا نشارك قهوتنا وشغفنا مع العالم كله، وعشان كده.... ظهرت "روستوبيا"!